اختار نائب لمجلس الشعب عن القرين

فعلا هى دى الحقيقه وليك كل الاحترام والتقدير

السلام عليكم
والله اللى انا شايفه ومن وجهة نظرى ان القرين لوحدها ماتنجحشى حد لان عدد الاصوات ميساويش عدد الاماكن التانيه وبعدين انت متبصش لحجم القرين فى الكبر شوف عدد الناس كام
وشوف كام واحد هيروح وكام واحد مش هيروح حتى لو مرشح واحد من البلد بلدك عدد اصواتها متنجحشى ودا وجهة نظرى شكرااااااا

بسم الله الرحمن الرحيم

رأيي إن القرين لن يخرج منها مرشح بسبب تسلط الحزب الوطني علي المؤسسات دون ذكر اسماء ولكن القرين مسكينة بسبب الخلافات الموجودة فيها وياريت نعيش الواقع شويا وبلاش نعيش الوهم لان الواقع يصل بنا الي الحقيقة سواء كانت بالسلب او بالاجاب ياأحبابي الشباب دعوا العصبية فإنها منتنة كما قال الرسول (ص) أنا احب نظرتنا تكون اوسع من القرين يعني الوطن كله بمعني من يصلح الوطن لا القرين لان صلاح الوطن الأم يصلح بعده كل شئ المحافاظات والمراكز والمدن والقري وكل شئ فتكون نظرتنا ليست محصورة في القرين بل في مصر

عندك حق يا ( الحبايب ) في اللي قلته وانا مع احترامي للكابتن برضو في
وجهة نظره ،، ولكن بصفتي رئيس لجهاز معلومات داخل البلد اعتقد ان لدي المعلومة اللي
بتؤكد ان عدد أصوات القرين الصحيحة تكفي انها تنجح اي حد من البلد بدليل
الانتخابات اللي فاتت لما القرين كلها طلعت وانتخبت لكن للأسف حصل لعب في
النتيجة وكل الناس عارفة ،، لكن برضو حصل تزوير او خيانة في كل الحالات
انا عند رأيي ان القرين عمرها مهتتقدم برضو لو مفيش خيانة هتلاقي لعب في
النتايج .. وانا متشائم ومحبط ومعنديش حتي بارقة امل ان القرين ممكن ينجح فيها حد في يوم من الايام إلا اذا بقت مركز ودايرة انتخابية مستقلة ساعتها هكون اول المتفائلين .. وشكرا

شكرا يا استاذ ناصر على وجودك معانا فى الحوار وفعلا لو مش فى خيانه ههيبقى فى حكومه مش موافقه ع العضو اللى من البلد
ويبقى شرط العضو اللى من البلد يبقى يرضى البلد ويرضى الحكومه ههههههههههههه فى المشمش
شكرا يا كابتن ويا استاذ ناصر

[size=24
ربنا يولى من يصلح
][/size]

بسم الله والصلاة والسلام على رسول الله
اولا انا عندي فكرة ممكن تكون جيده ولكن الرأي للمنتدي والاعضاء
هيا اننا نعمل انتحابات داخلية بمعني
ان احنا نشوف كام واحد عاوز يترشح واهلا وسهلا بية . وبعد كدا نعمل فكرة التجمع بالنادي وتكون كالتالي التنظيم يتواجد لكل مرشح صندوق مثل صناديق الانتخابات وتصوت الناس على المرشح المطلوب من وجهه نظرهم المختارة . وقبل كدا لازم توقيع المرشحين على اقرار بالرضا على النتيجة والتكاتف مع المرشح المختار . واسئل الله التوفيق والتجمع على شخص واحد لكي يكون لنا وجود وكيان بين الناس

وحشنى يا عطعوط جدا وأفكارك كلها نيرة ومتطورة وفعلاً نعم التلميذ ولكن موضوع تمثيل القرين في مجلس الشعب لابد من خطوات يتم اتباعها لتحقيق ذلك ومنها على سبيل المثال لا الحصر - فصل القرين عن أبو حماد - أن نخلص لبلدنا الكريمة ولا ننساق وراء الاهواء والمصالح الشخصية هذا الكلام ينطبق على المرشح والناخب - نزاهة الانتخابات وإن أرى ان أبناء البلد فيهم الخير الكثير وفيهم من يمثلنا بشرف سواء المهندس جمال حبيبى طبعا وكذلك الدكتور سيد العباسى حبيبى أيضاً وهناك آخرون قادرون على تمثيلنا بنجاح
وأشكرك يا حمادة --- مع تحياتى --- عمك حسنى

ياشباب احنا برضوو تقريبا كدا نسينا ان احنا البلد الوحيده الا مش ليها اصوات خارج البلد زى باقى المرشحين
يعنى مثلا زى اباظه ليه فى البلد وبره البلد ليه فى كل مكان
اما الدكتور والمهندس فمش ليه علاقات بره خالص
واحنا ع الاقل لازم يكون لينا بره القرين ع اقل تقدير 150 او حتى 100 صوت عن كل بلد من المركز
واتمنى ان نقف وراء شخص واحد فقط

السلام عليك ورحمة الله وبركاته

اول بقدم التحيه لكل الشباب وعمى واستاذى الفاضل حسنى

واهلا بيك عضو عزيز جدا على قلبى فى المنتدى

اخر الكلام

البلد ماتت عندها شلل

انا كنت فى البلد ولقيت واحد كاتب القرين ليست للبيع

بس هوبيأجرها

لاكن ياترى إيجار جديد مربح ولا قديم خسران

فى كل الحالات زى ال قبلنا ما قالوا مفيش فايده

البلد عاوزه مذبحه زى مذبحة المماليك

ولا انتوا رأيكم

ايه

اعترف يا ابو عطعوط عايزين مزبحه وتاخد من اول المحليات منور

اكيد لو بقينا مركز لوحدينا هنتغير تغيير كبير
ويارب يسمع منك

وانا اول من هشيل السيف وهكون فى الصفوف الاماميه

ههههههههههههههههه لالالالالالالا اصلها مش حرب يا مكرو

هنقف وراء المحامى ابراهيم سالم ولا ايه يا رجاله

ولا كدا عليه العوض فى القرين
انا اول مره اسمع عن المحامى ده
طالما من القرين يبقى ربنا يوفقه يارب

يارب يا عمور نساعده

ياجماعة انتم متوقعين ايه من عملية انتخابية المسيطر على كل مجرياتها الحزب الوطنى
طبعاُ بينجح المرشح اللى هو منزله فى الدايرة وفى حالات نادرة بينجح واحد برة الحزب
وكلنا عارفين اللعب اللى بيحصل فى الانتخابات 000 المهم العملية الانتخابية فى مصر كلها مسرحية000 ازاى حزب حاكم ها يسمح لمنافسيه انهم ينجحوا 000 الغريب ان ايام الملكية
ايام الملك فاروق كان حزب المعارضة بينجح ويشكل الحكومة00 عمركم شفتوا من ايام الثورة حزب غير الحزب الحاكم شكل وزراة او حتى دخل وزير برة الحزب الحاكم000
هو ده الحال فى مصر كلها مش فى القرين وبما ان القرين جزء صغير من مصر فبلاش نتعب ورا امال تبدو انها بعيدة 000 وسلامى لجميع الاخوة بالمنتدى وببلدنا العزيزة القرين