- أحمد خشبه
- عدد المساهمات : 42
تاريخ الميلاد : 01/12/1971
ت.التسجيل : 06/03/2010
العمر : 52
اسلام أون لين
المزاج : عال العال والحمدلله _ كل مافيه نصرة للإسلام
قصيدة (البتاع ) أحمد فؤاد نجم
السبت أبريل 24, 2010 7:54 am
يا للي فتحت البتاع
فتحك على مقفول
لأن أصل البتاع
واصل على موصول
فأى شئ في البتاع
الناس تشوف على طول
والناس تموت في البتاع
فيبقي مين مسؤول ؟ !!!
وإزاي حتفتح بتاع
في وسط ناس بتقول
بأن هذا البتاع
جاب الخراب مشمول
لأنه حتة بتاع
جاهل
غبي
مخبول
أمر بفتح البتاع
لأنه
كان مسطول !
وبعد فتح البتاع
جابوا الهوا المنقول
نكس عشوش البتاع
وهد كل أصول
وفات في غيط البتاع
قام سمم المحصول
وخلا لون البتاع
أصفر
حزين
مهزول
وساد قانون البتاع
ولا عله ولا معلول
فالقاضي بتاع البتاع
فالحق ع المقتول
والجهل زاد في البتاع
ولا مقري
ولا منقول
والخوف
سرح في البتاع
خلا الديابه تصول
ويبقي البتاع في البتاع
والناس صايبها ذهول
وأن حد قال دا البتاع
يقولوا له
مش معقول
وناس تعيش بالبتاع
وناس تموت بالفول
وناس تنام ع البتاع
وناس تنام كشكول
آدي اللي جابه البتاع
جاب الخراب بالطول
لأنه حتة بتاع
مخلب
لراس الغول
باع البتاع بالبتاع
وعشان يعيش على طول
عين حرس بالبتاع
وبرضه مات مقتول
أحمد فؤاد نجم
- dr/abdo
عدد المساهمات : 691
تاريخ الميلاد : 26/10/1983
ت.التسجيل : 08/02/2010
العمر : 40
https://alqurain.yoo7.com
المزاج : الحمد لله
رد: قصيدة (البتاع ) أحمد فؤاد نجم
السبت أبريل 24, 2010 9:18 am
جميله القصيده الزجليه يااستاذ احمد خشبه
شكرا لك
شكرا لك
صلاحيات هذا المنتدى:
لاتستطيع الرد على المواضيع في هذا المنتدى