اجمل النصائح من الدكتور عبده سعيد طبيب المنتدي للاعراض البرد

أكثر من شرب السوائل الدافئة الخالية من الكافيين

[size=21]المعلومة اللي كتير مننا مش عارفها هي إن شرب السوائل الكتير بيحمي الجسم من الإصابة بالفيروسات.. فياريت إننا نكتر من شرب السوائل ولو على الأقل 8 كوبايات ميه في اليوم.. أو نشرب عصائر طبيعية فريش كتير ومن العصائر اللي ممكن إننا نشربها في الفترة دي وتفيدنا فعلاً "عصير الليمون" أو "البرتقال" أو "الجوافة

ياريت إننا نبعد في الفترة دي عن المشروبات المثلجة بجميع أنواعها، ونشرب المشروبات الدافية زي "الشاي بالليمون" أو "الكاموميل" أو "النعناع" أو "الليمون الساخن" أو "اليانسون" أو "الزنجبيل"..


نكتر من فيتامينات سي



ياريت إننا نكتر من الفواكه اللي بتحتوي على فيتامين "سي" زي "البرتقال"، و"اليوسفي"، و"الجريب فروت".. كمان فيه فوار "فيتامين سي" موجود في الصيدليات ياريت إننا نجيبه وناخد منه قرصين في اليوم.. واحد الصبح والتاني بالليل.

خامساً: نتناول غذاء متكامل

دايما بقول إن الغذاء المتكامل مفيد جداً لحماية الجسم من أي أمراض.. علشان كده ياريت نحرص دايما إن غذاءنا يكون غذاء بيحتوي على جميع العناصر الغذائية اللي الجسم محتاج لها زي "الخضروات" و"البروتينات" وده لتقوية الجهاز المناعي للجسم..


وعلى فكرة الدراسات أثبتت إن الخضروات اللي ليها أوراق خضراء من أكتر الحاجات اللي بتساعد على حماية الجسم من نزلات البرد.. فياريت إننا نهتم بيها.


نجدد هواء المكان باستمرار


ياريت واحنا قاعدين في البيت أو المكتب نفتح الشبابيك علشان نجدد هواء المكان اللي احنا موجودين فيه.. وبكده نطرد أي فيروسات ممكن تكون إنها موجودة..


ونحاول على قد ما نقدر إننا نبعد عن أي مصدر هواء بارد مباشر زي هواء "التكييف" أو "المروحة" في الأيام دي لأنها بتزود البرد.